ကိုယ့်ရလဒ်က သူများအတွက်ပါတယ်ဆိုတဲ့ဟာ တွေးရမယ်

အောက်စဖို့ဒ်ဆရာတော် ဒေါက်တာဓမ္မသာမိ
01/11/2026
ကိုယ့်ရလဒ်က သူများအတွက်ပါတယ်ဆိုတဲ့ဟာ တွေးရမယ်

★ ဒီနေ့ကျတော့ ဒီဟာကို ပိုပြီးတော့ ရှင်းအောင် အကောင်းမြင်ဝါဒ တွေးတဲ့လူက စီးပွားရေး ပိုကောင်းတယ်လို့ ပြောချင်တာ။ အကောင်းမြင်ဝါဒ တွေးတဲ့လူက ဦးနှောက်က ပေါ့ပေါ့ပါးပါး ရှိတဲ့အခါကျတော့ ပိုမှတ်မိတယ်၊ ပိုတွေးခေါ်နိုင်တယ်လို့ ပြောချင်တာ။ 

★ ရတနာပုံက ဆရာမကြီးတွေ စိတ်ညစ်ညစ်နဲ့ စာသင်ခန်းထဲဝင်သွားတဲ့ကလေးတွေ စိုးရိမ်ပြီးတော့ ဖြေနိုင်ပါ့မလား၊ ဖြေနိုင်ပါ့မလား။ မဖြေနိုင်ရင် အိမ်ရောက်ရင် အမေက ဆူမလား မသိဘူး၊ အမေက ရိုက်မလား မသိဘူး။ အဲဒီလို စာမေးပွဲခန်းထဲ ဝင်သွားတာ တစ်ယောက်။ နောက်တစ်ယောက်တော့ အဲဒီလို မဟုတ်ဘူး၊ မနှစ်ကနဲ့စာရင် ဒီနှစ်က ဘာတွေဘာတွေ အသိဉာဏ်အသစ်တွေရတယ်။ 

★ ဒီ အသိဉာဏ်တွေနဲ့ လူ့လောကကြီးကို ငါ အကျိုးပြုမယ်။ ငါ အကောင်းဆုံး ကြိုးစားမယ်။ စိတ်ထဲမှာ စိုးရိမ်တဲ့စိတ်မထားဘူး။ သူလုပ်နိုင်တဲ့အပေါ်မှာ သူ အကောင်းဆုံးဖြစ်အောင် လုပ်သွားမယ်။ ငါ တစ်ခုခုလိုသွားရင် မိဘတွေနဲ့ဆွေးနွေးပြီးတော့ ဒီထက်ပိုကောင်းအောင်လုပ်မယ်။ 

★ အဲဒီလို တစ်ယောက်က အကောင်းမြင်တဲ့စိတ်နဲ့ စာသင်ခန်းထဲ ဝင်သွားတယ်။ တစ်ယောက်က စိုးရိမ်စိတ်အပြည့်နဲ့စာသင်ခန်းထဲ ဝင်သွားတယ်။ ဘယ်တစ်ယောက်က ရေရှည်မှာ ဉာဏ်ကောင်းတယ်ဆိုတာ ဗေဒင်တွက်စရာမလိုဘူး။ ဘယ်တစ်ယောက်က စာပိုတော်မယ်ဆိုတာ တွက်စရာမလိုဘူး။

★ ကုမ္ပဏီလုပ်ငန်းမှာလည်းပဲ ငါတို့ ကုမ္ပဏီက မန္တလေးမြို့လို မြန်မာနိုင်ငံအတွက် ဘယ်လိုကောင်းတဲ့အရာတွေ ငါတို့က လုပ်ပေးတယ်။ စားသုံးသူအတွက် customer တွေအတွက် ဘယ်ဟာတွေ ဘယ်ဟာတွေ လုပ်ပေးတယ်။ အဲဒီလိုဂုဏ်ယူတဲ့စိတ်နဲ့ အလုပ်သွားတဲ့လူ၊ ဒီလူက တစ်ယောက်။

★ တစ်ယောက်တော့ မဟုတ်ဘူး၊ ဟိုဟာမှားမှာကြောက်လို့ ဒီဟာမှားမှာကြောက်လို့ စိုးရိမ်စိတ်နဲ့ သူလာတယ်။ အဲဒီနှစ်ယောက် လုပ်ငန်းခွင်မှာ ဘယ်သူ့ဦးနှောက်က ပိုကောင်းမယ်ထင်တုံး။ စိုးရိမ်စိတ်နည်းတဲ့လူရဲ့ ဦးနှောက်က ပိုကောင်းတယ်။ စိုးရိမ်စိတ်များတဲ့လူရဲ့ဦးနှောက်က သူ့ရဲ့စိတ်အင်အားကို စိုးရိမ်မှုက ကြီးစိုးထားတယ်။ လုပ်ငန်းခွင်ရောက်တဲ့အခါကျတော့ လုပ်ငန်းခွင်မှာ အသုံးပြုဖို့ သူ့ရဲ့စိတ်ဓါတ်အင်အားက အပြည့်မရှိ‌တော့ဘူး။

★ ဒီဟာနဲ့ ပတ်သက်ပြီးတော့ ပါ‌မောက္ခ Dr.Kim Cameron နဲ့အတူ အတူတူအလုပ်လုပ်တဲ့ နောက်ထပ် ပါမောက္ခတစ်ယောက်၊ ဒေါက်တာ သူ့ရဲ့အဆိုလေးခုကို ဘုန်းဘုန်း ဒီနေ့ အဓိကထားပြီးတော့ ရှင်းပြမယ်။ အဲဒီဟာလေးကတော့ out of the blue ဆိုတဲ့ video clip လေး ကြည့်ရအောင်။ အချက်လေးချက် အဲဒါကို တစ်ခုဆီရှင်းပြမယ်။ 

★ အဲဒီအချက်ကလည်း ဘာပြောတာတုန်းဆိုတော့ တရားလေ့လာတဲ့ပုဂ္ဂိုလ်တွေအနေနဲ့ဆိုရင်တော့ ဒီဟာကြီးက အရမ်းအထူးအဆန်းကြီး မဟုတ်ဘူး။ ကိုယ့်အတွက်တွေးတာနဲ့ သူများအတွက်တွေးတာ။ ကိုယ့်အပိုင်းတွေးတာနဲ့ သူများအပိုင်းတွေးတာ။ 

★ အလုပ်ရှင်တွေ စဥ်းစားကြည့်ပါ။ ကိုယ့်ရဲ့ဝန်ထမ်းတွေထဲမှာ သူ့အကြောင်းပဲတွေးတဲ့သူက တစ်ယောက်၊ နောက်တစ်ယောက်ကတော့ သူ့အကြောင်းလည်း သူ တွေးတတ်တယ်။ ကုမ္ပဏီထဲမှာ တခြားသူအကြောင်းလည်း တွေးတတ်တယ်။ အဲဒီလူက တစ်ယောက်။ ဒီလူနှစ်ယောက် နံပါတ်တစ်တစ်ယောက်နဲ့ နံပါတ်နှစ်တစ်ယောက်၊ နံပါတ်တစ် တစ်ယောက် သူ့အကြောင်းပဲ သူတွေးတယ်။ နံပါတ်နှစ် တစ်ယောက်က သူများအကြောင်းရော သူ့အကြောင်းရောနှစ်ဖက်စလုံး တွေးတယ်။ 

★ နံပါတ်တစ်နဲ့ နံပါတ်နှစ်၊ နံပါတ်တစ်ရွေးမယ့်သူ လက်မြှောက်သူကြည့်ပါ။ နံပါတ်နှစ်ရွေးမယ့်သူ လက်မြှောက်ကြည့်ပါ။ သူ့အကြောင်း သူများအကြောင်းတွေးတာ အဲဒါကို ပါဠိထဲမှာ ကြားဖူးပြီးသားပါ၊ သတိပဋ္ဌာန်ထဲမှာ အဇ္ဈတ္တံဝါ ဗဟဒ္ဓါဝါ - ကိုယ့်အတွက်လည်းကြည့်တယ်၊ သူများအတွက်လည်းကြည့်တယ်။ 

★ အိမ်ထောင်ဖက်ရွေးမလား၊ သူ့အတွက်ပဲ သူကြည့်တတ်တဲ့ အိမ်ထောင်ဖက်နဲ့ သူ့အတွက်ရော ကိုယ့်အတွက်ရော ကြည့်တတ်တဲ့ အိမ်ထောင်ဖက်၊ ဒါမှမဟုတ် လုပ်ငန်းခွင်မှာ လုပ်‌ဖော်ကိုင်ဖက် အကြောင်းပြောမလား၊ သူ့အကြောင်းပဲတွေးတဲ့ လုပ်ဖော်ကိုင်ဖက် သူ့အကြောင်းရော ကိုယ့်အကြောင်းရောတွေးတဲ့ လုပ်ဖော်ကိုင်ဖက် အဲဒါ ရွေးရတာ မခက်ပါဘူး။ 

★ လေးချက်ထဲမှာ ပထမဆုံးနှစ်ချက်က ကိုယ့်အတွက်တွေးတယ်၊ ဒုတိယနှစ်ချက်က သူများအတွက်တွေးတယ်။ အဲဒါလေးကြည့်ရအောင်။ 

Out of the Blue - Episode 302 - Positive Organizational Scholarship 

https://youtu.be/9RIsqFtmOsg?si=7fvTJnh_cVuUZ4w2

ဒီဟာ မစ်ရှီကန်တက္ကသိုလ် စီးပွားရေးကျောင်းမှာ သွားတက်တဲ့လူတွေက တခြားဌာနက ပါ‌မောက္ခတွေပါ။ 

Question #1: What result do you want to create? (ဘယ်လိုရလဒ်ကို ရချင်လဲ?)

Question #2: Are you internally directed? (မိမိကိုယ်ကို ပြန်သုံးသပ်ပါသလား?)

Question #3: Are you other-focused? (တခြားလူတွေကို သတိပြုမိရဲ့လား?)

Question #4: Are you externally open? (တခြားလူတွေရဲ့ idea ကို စိတ်ဝင်စားသလား?)

★ ဒီဗီဒီယိုထဲမှာပါတဲ့ လူမည်းအမျိုးသားကြီးက ကျောက်ကပ်အထူးကု ဆရာဝန်ကြီး ပါမောက္ခတစ်ယောက်ပါ။ သူက ကမ္ဘာ့ကျန်းမာရေးနဲ့ပတ်သက်ပြီးတော့ အိန္ဒိယနိုင်ငံမှာ သုတေသန သွားလုပ်တယ်။ အလုပ်လုပ်တဲ့အခါမှာ ခက်ခဲတဲ့အခါမှာ စိတ်က ပြဿနာအကြောင်းပဲ တွေးဖြစ်တယ်။ အဲဒီတော့ ခုနတုန်းက ပထမဆုံးပြောတဲ့ ပါမောက္ခကြီး ဒီအတွေးခေါ်တွေကို တွေးတဲ့ပါမောက္ခကြီး၊ အကောင်းဖက်တွေးပါတဲ့၊ အဖွဲ့အစည်းအနေနဲ့ ပိုပြီးတော့ အင်အားကောင်းလာလိမ့်မယ်တဲ့။

★ ကုမ္ပဏီတွေ၊ အဖွဲ့အစည်းတွေး၊ ဒီမှာဆိုရင် ကြင်းတော်ယန် အမျိုးသမီးအဖွဲ့ ၊ ဒီလို အဖွဲ့အစည်းတွေ လူမူအဖွဲ့အစည်းဖြစ်ဖြစ်၊ စီးပွားရေးအဖွဲ့အစည်းဖြစ်ဖြစ် ပညာရေးအဖွဲ့အစည်းဖြစ်ဖြစ် ကျန်းမာရေးအဖွဲ့အစည်းဖြစ်ဖြစ် ကောင်းတဲ့ဖက်ကို စပြီးတော့ တွေးရင်၊ စိုးရိမ်စရာနဲ့ ကြုံတဲ့အတိုင်း ကောင်းတဲ့ဘက်ကို စိတ်ပြန်ပြီးတော့ တွေးပြီးရင် ဘယ်လို ဖြစ်တုန်းဆိုတာ ကျောက်ကပ်အထူးကုပါမောက္ခကြီးက သူ့ကိုယ်တွေ့ကို ပြောပြတယ်။

★ သူ ဘာပြောပြတုန်းဆိုတော့ ဒီမေးခွန်းထဲမှာ ပါတဲ့ဟာ ကိုယ့်ကိုယ်ကိုယ်ပြန်ပြီးတော့ သုံးသပ်တဲ့ဟာ၊ ကိုယ့်ရဲ့ယုံကြည်ချက်၊ ကိုယ့်ရဲ့ valueကို ငါက တန်ဖိုးကို ဘယ်လို - နံပါတ်တစ် ဘယ်လိုရလဒ်ကို လိုချင်တုန်းဆို သူ ‌ဆေးပညာလောကထဲဝင်တာ ဘာကြောင့်ဝင်တာတုံး။ ပညာရေးလောကထဲဝင်တာ ဘာကြောင့်ဝင်တာတုံး။ ကုမ္ပဏီတစ်ခု တည်ထောင်တာ ဘာကြောင့် တည်ထောင်တာတုံး။ 

★ ပုဂ္ဂိုလ်ရေးအရ အိမ်ထောင်ပြုတာ ငါ အိမ်ထောင်ပြုတာ ဘာ ရလဒ်လိုချင်တာတုံး။ တရားသွားထိုင်တာ ဘာရလဒ် လိုချင်တာတုံး။ အဲဒီမေးခွန်းကို ရဲရဲမေးပြီးတော့ ကိုယ့်ဟာကိုယ် သုံးသပ်ရမယ်။ မေးခွန်းပြန်မေးရမယ်။ ဘာရလဒ်လိုချင်တာတုံး။ What result do I want? 

★ အဲဒါနဲ့ ဒီလူမည်းပါမောက္ခကြီးက သူက ကမ္ဘာပေါ်မှာ ကျောက်ကပ်ရောဆိုတာ သူအနေနဲ့မြင်တာ ကျောက်ကပ်ရောဂါက silent killer တဲ့။ တိတ်တဆိတ်နဲ့ လူသတ်နေတဲ့ လူသတ်မသားတဲ့။ အဲဒီဟာ ကျောက်ကပ်ရောဂါကို နာမည်ပေးတာ။ ကျောက်ကပ်ရောဂါ ဖြစ်တဲ့လူက ဖြစ်မှန်းမသိဘူး။ လူသတ်တာမှ သွေးအေးအေးလေးနဲ့သတ်တာတဲ့ ကျောက်ကပ်ရောဂါက။ 

★ ဒါဖြင့် လူတွေ ကျောက်ကပ်ရောဂါခစားနေရတဲ့လူတွေ ကူညီဖို့အတွက် အဲဒါက သူ့ရဲ့ရလဒ်၊ သူလိုချင်တဲ့ရလဒ်။ ဘုန်းဘုန်းကို မေးတယ်ဆိုရင် ဘာဖြစ်လို့ နေရာတိုင်းမှာ မုဒိတာအကြောင်းတွေ ဟောတာတုန်းဆိုတော့ လူတိုင်းလူတိုင်း အကောင်းမြင်ဝါဒရှိပြီးတော့ ပိုပြီးတော့ စိတ်ချမ်းသာ၊ လုပ်ငန်းခွင်မှာ ပိုပြီးတော့ လုပ်ဆောင်မှုတွေ ကောင်းတဲ့လူတွေ ဖြစ်စေချင်တာ။ 

★ မိသားစု ဆိုရင်လည်းပဲ စိတ်ပိုပြီးတော့ ချမ်းသာ၊ ကုမ္ပဏီဆိုရင်လည်း ပိုပြီးတော့ စိတ်ချမ်းသာပြီး လုပ်ဆောင်မှုကောင်းတဲ့ ကုမ္ပဏီ၊ ဌာနဆိုရင်လည်း ဌာန၊ ကျောင်းဆိုရင်လည်းကျောင်း၊ ဘုန်းဘုန်းက အဲဒီဟာကို လိုချင်တာ၊ အဲဒီရလဒ်ကို လိုချင်တာ။ နိုင်ငံခြားမှာ ဟောတဲ့တရားလည်း ဒီအကြောင်းပဲဟောတာ၊ ပြည်တွင်းမှာဟောတဲ့တရားလည်း ဒီအကြောင်းပဲဟောတာ။ 

★ ဘယ်တက္ကသိုလ်ပဲဖြစ်ဖြစ် ဒီအကြောင်းပဲ သွားဟောတယ်။ ဘယ်အတန်းကျောင်းပဲဖြစ်ဖြစ် ဒီဟာပဲ သွားဟောတယ်။ ဘာဖြစ်လို့တုန်းဆိုတော့ ဘုန်းဘုန်းက ဒီဟာကြီးကို အရမ်းကို ယုံကြည်လို့။ ဒီရလဒ်ကို အိမ်တိုင်းအိမ်တိုင်း ကျောင်းတိုင်း ဆေးရုံတိုင်း ကုမ္ပဏီတိုင်း လုပ်ငန်းဌာနနဲ့ အဖွဲ့အစည်းတိုင်း ခံစားရစေချင်လို့။ ဒီရလဒ်ကို ဘုန်းဘုန်းက လိုချင်တာ။ အဲဒီဆရာကြီးကလည်း ဒီရလဒ်ကို လိုချင်တယ်တဲ့။ 

★ ဒါဖြင့် ဒီရလဒ်ကို လိုချင်တယ်ဆိုရင် တခြားလူတွေ ဒီဟာလုပ်တတ်တာ မရှိဘူးလား။ ပူပေါင်းဆောင်ရွက်ရရင် ကောင်းမယ် ဆိုပြီး တခြားလူတွေ ရှိနေတာကို သူ သတိပြုမိတယ်။ တခြားကျောက်ကပ်အထူးကုတွေ တချို့က အထူးကု မဖြစ်သေးဘူး။ ကျောက်ကပ် အထူးကုပညာကို စိတ်ဝင်းစားတဲ့ဆရာဝန်တွေ သိပ္ပံပညာရှင်တွေ သူတို့ရှိနေတယ်ဆိုတာကို သူက သတိပြုမိတယ်တဲ့။ 

★ သတိတော့ပြုမိတယ်၊ ကိုယ်က ဆရာဝန်နော်၊ တခြားဆရာဝန်ရှိတာကို သတိပြုမိတယ်။ ကိုယ်က စီးပွားရေးလုပ်ငန်းရှင် တခြားစီးပွားရေးလုပ်ငန်းရှင်တွေ ရှိတာသိတယ်။ ကိုယ်က အိမ်ရှင်မ၊ တခြားအိမ်ရှင်မတွေရှိတာသိတယ်။ ကိုယ်က အမေ၊ တခြားအမေတွေရှိတာ သိတယ်။ 

★ ဒါပေမဲ့ သူတို့ရဲ့ အိုင်ဒီယာကို ကိုယ်က တံခါးဖွင့်ပေးသလား။ ကိုယ့်အတွက်ပဲ ကိုယ် ပိတ်ထားတဲ့ internally open, externally close - အတွင်းမှာ ဖွင့်ပြီးတော့ အပြင်ကျတော့ ပိတ်ထားတာ။ ကိုယ်က တိုးတက်စေချင်တယ်၊ တခြားလူတွေရဲ့ အိုင်ဒီယာလာပြောရင် ကိုယ်နဲ့မတူမှာစိုးလို့ ကြောက်စိတ်ဖြစ်နေတယ်။ နားမထောင်ချင်ဘူး။ 

★ ဒါနဲ့ Dr.Ojo ဆိုတဲ့ ဒီပါမောက္ခကြီးက တခြားလူတွေရဲ့ အကြံဉာဏ်၊ သူဖြစ်ချင်တဲ့ဟာ တခြားလူတွေကို ဖွင့်ပြောမယ်။ ဖွင့်ပြောပြီးတော့ သူတို့မှာ ဘယ်လိုအတွေးတွေ ရှိတုန်းဆိုတော့ သူ အံ့သြသွားတယ်။ တခြားလူတွေလည်း သူဖြစ်ချင်တဲ့အတိုင်း ဖြစ်ချင်တယ်၊ ဝိုင်းလုပ်ကြမယ်ဆိုပြီးတော့ သူ့နောက်ကို လိုက်ကြတယ်။ 

★ အဲဒါနဲ့ အထူးကု အဖွဲ့ဖြစ်လာပြီးတော့ ကမ္ဘာပေါ်မှာ အခုလက်ရှိ ကျောက်ကပ်ရောဂါကို ကမ္ဘာ့ကျန်းမာရေးအဖွဲ့နဲ့ အတူတူ အလုပ်လုပ်နေတဲ့ သမားတော်တွေပေါ့၊ ဆေးပညာရှင်တွေ ပေါ်လာတယ်။ အဲဒါဘာဖြစ်တာတုန်း၊ တခြားလူတွေရဲ့ အတွေးကို စိတ်ဝင်စားတာ။ တခြားလူတွေရဲ့ အတွေးကို ဖွင့်ပေးတာပေါ့။ 

★ ဒါဖြင့် မေးခွန်း နံပါတ်တစ်နဲ့ နံပါတ်နှစ်က ကိုယ့်အကြောင်းနော်။ နံပါတ်တစ်က ကိုယ့်ရဲ့ရည်ရွယ်ချက်ကို ကိုယ်ပြန်စဥ်းစားတာပေါ့။ ဒီအလုပ်လုပ်တာ ကိုယ်ဘာကြောင့်လုပ်တာတုံး။ သယ်ယူပို့‌ဆောင်ရေးလုပ်တယ်ဆို ဘာကြောင့် ဒီဟာလုပ်တာတုံး။ ကိုယ်လုပ်တဲ့အလုပ်က အများအတွက် ပါတာချည်းပဲ။  

★ ကိုယ်ပိုက်ဆံရှာဖို့အတွက် သယ်ယူပို့ဆောင်ရေးလုပ်ငန်းကို လုပ်တာလေ။ ဒါပေမဲ့ ကိုယ် သယ်ယူပို့ဆောင်ရေးလုပ်တဲ့ဟာက သူများအတွက် အကျိုးမဖြစ်ရင် ရပါ့မလား။ မရဘူး။ ဘယ်သူမှ ကိုယ့်ရဲ့ကား ကိုယ့်ရဲ့ကုမ္ပဏီ ကိုယ့်ရဲ့အလုပ်ကို လာပြီးတော့ မသုံးဘူး။ ဒါကြောင့် ကိုယ်လုပ်တဲ့အလုပ်ဟာ သူများအတွက်ကောင်းတယ်ဆိုတာ သူများအတွက်ပါပြီးသားဆိုတာ ရှင်းနေပြီ။ အရမ်းကို ရှင်းနေပြီ။ 

★ ဘာပဲထုတ်ထုတ် ဘာပဲလုပ်လုပ်၊ လက်ဖက်ရည်ဆိုင်ဖွင့်တာလား၊ စားသောက်ဆိုင်ဖွင့်တာလား၊ ကား showroom လုပ်တာလား ဘာပဲလုပ်လုပ် အကုန်လုံး သူများအတွက်ပါတယ်။ ကျောင်းဆရာနဲ့ ဆရာဝန်လုပ်မှ သူများအတွက် လုပ်တာ မဟုတ်ဘူးတဲ့။ 

★ ဒါဖြင့် ဒီမှာ ရလဒ်က ကိုယ့်ရလဒ်က သူများအတွက်ပါတယ်ဆိုတဲ့ဟာ တွေးရမယ်၊ တွေးသင့်တယ်။ ကိုယ် က တွေးနေပြီးသားပဲ။ အဲဒီဟာကို ရှင်းရှင်းလင်းလင်း တွေးရမယ်ဆိုတဲ့ဟာကို ကဗျာလေးတစ်ပုဒ်နဲ့ ဘုန်းဘုန်း ကဗျာ ဆန်ဆန် ရှင်းပြမယ်။ 

ဆက်လက်ဖော်ပါမည်။

ကျေးဇူးတော်ရှင်အောက်စဖို့ဒ်ဆရာတော်

ပါမောက္ခ ‌ဒေါက်တာအရှင်ဓမ္မသာမိ

🙏🙏🙏

(၈.၁၀.၂၀၂၆) မန္တလေးမြို့ ကြင်းတော်ယန်ဗုဒ္ဓဘာသာကျောင်းတွင် ဟောကြားတော်မူခဲ့သော “အရေးအကြောင်းနဲ့ဆိုရင် မုဒိတာစိတ်ထားအမြင် အားကိုးလို့ရသလား? - Is Appreciative Mindset of Any Use in Critical Situations?” တရားသင်တန်း (ပထမအချိန်) တရားတော်မှ စာစီပူဇော်ပါသည်။